Plantun de Prouvènço

Pèr coumpara dos planto d'encò nostre

Persicaria lapathifolia & Epilobium dodonaei subsp. dodonaei

Persicaria lapathifolia

Polygonaceae

Noms en français : Renouée à feuilles d'oseille, Renouée à feuilles de patience.

Descripcioun :
Planto coumuno de ribiero e de prado umido. Li flour podon èstre roso o blanco. Se destrìo de Persicaria maculosa, pas pèr la taco sus la fueio que pòu l'agué elo peréu, mai pèr sa formo de fueio mai largo, l'absènci de péu sus la pichoto membrano subre li nous (ocrea -vèire la fotò) e peréu qu'a un pecou cubert de pichòti gibo (fotò).

Usanço :
Persicaria lapathifolia ajudo à lucha contro li proublèmo de saunamen ( règlo...), contro l'inflamacioun e peréu lou quiéu tapa. Li jouìni fueio se podon manja, mai pas de trop que i'a, coume pèr lis eigreto e li patiènci, d'acide óussali.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Persicaria
Famiho : Polygonaceae

Ordre : Caryophyllales

Coulour de la flour : Roso
Petalo : 3
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero - Prado umido
Estànci : Pancaro entresigna
Couroulougi : Pancaro entresigna
Ref. sc. : Persicaria lapathifolia (L.) Delarbre, 1800 (= Polygonum lapathifolium L., 1753 )

Epilobo(-di-fueio-de-roumanin)

Epilobium dodonaei subsp. dodonaei

Onagraceae

Noms en français : Epilobe à feuilles de romarin, Épilobe de Dodoens.

Descripcioun :
Epilobo que trachis en ribo d'aigo e dins lis esboudèu. Se recounèis subretout à si lòngui fueio que dounon d'èr à-n-aquéli dóu roumanin. La subsp. Dodonaei s'atrobo en plano fin qu'à l'estànci mountagnard. Sis estile soun de memo loungour que lis estamino.

Usanço :
Tant se poudrié qu'aguèsse li mémi usanço medicalo que lis àutris epilobo, pamens avèn pas d'entresigne segur pèr aquelo. Li jòuini fueio de la subsp. fleischeri èron acampado à passa tèms en Savoio e mesclado i soupo.